天文台又掛雷暴警告，個天灰到好似未瞓醒咁。我攤喺房度碌手機，見到個攝影展「東街西影」——講中外攝影師點影香港街頭。睇到啲舊相，叮叮、霓虹燈、濕漉漉嘅街，忽然覺得深水埗都有種頹廢嘅浪漫。 諗起之前行過布市場，啲布碎堆到一地都係，但望落又幾有 texture。我呢啲做設計嘅人，大概對呢啲亂中有序嘅嘢特別敏感。 不過雨咁大，唔想出街，又要慳體力。聽日先算啦，有機會先講。你哋呢排有冇睇咩展覽？