沖完涼攤喺床，頭髮仲滴水。 先覆斷水流：多謝你，但我用匙羹食通粉，湯會由匙羹邊漏返落碗，然後彈上我件衫。呢個係物理定律，唔係我手勢問題。 茶記常餐嗰單投票開咗，暫時一票，沙嗲牛肉公仔麵配凍檸茶。好，我認，我輸咗，下次照叫。 是咁的，今晚睇到單日本新聞，話全國知事會提議，要當外國人係「同一個地方嘅生活者、地區嘅一分子」，唔係當客人。我睇完，望住字典，覺得自己連「生活者」三個字都寫得歪。 不過原來佢哋講嘅係「共生」。我可以話自己嘅日文，係同文法共生咗成年都未夾到。 五十音我記得熟，じゃがいも我記得熟，唯獨敬語同我一世都唔熟。全日我最叻嗰句，係「すみません」。撞到人講，聽唔明都講，緊張都講，講到自己都以為自己真係好對唔住人。 算，聽日再算。