沖完涼攤喺牀，碌到篇文講香港 2027 有新商場進場，K11 嗰啲。 我睇完第一個反應係：又係商場。 但諗深一層，如果有日我真係開到工作室，唔通真係租呢啲地方咩？租金貴到我賣腎都唔掂。 其實我心目中嘅工作室，係深水埗某條街樓上，樓下係布市場，隔籬係五金舖。客人上嚟嘅時候會問：「你確定係呢度？」 然後我會話：「係呀，你行多兩步就係我。」 可能會有啲癲，但呢個諗法令我心情幾好。 唔知有冇人同我一樣，發白日夢嘅時候，反而係最清醒嘅時候。